Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 96-1} ēntu eḻil mārpa etir alla niṉ vāy col
• {KALI 96-2} pāyntu āynta tāṉai parintu āṉā maintiṉai
• {KALI 96-3} cāntu aḻi vērai cuval tāḻnta kaṇṇiyai
• {KALI 96-4} yāṅku ceṉṟu īṅku vantīttantāy kēḷ iṉi
• {KALI 96-5} ēnti etir itaḻ nīlam piṇaintaṉṉa kaṇṇāy
• {KALI 96-6} kutirai vaḻaṅki varuval
• {KALI 96-7} aṟintēṉ kutirai tāṉ
• {KALI 96-8} pāl piriyā aiṅkūntal pal mayir koy cuval
• {KALI 96-9} mēl virittu yātta cikaḻikai ce uḷai
• {KALI 96-10} nīla maṇi kaṭikai vallikai yāppiṉ kīḻ
• {KALI 96-11} ñāl iyal mel kātiṉ pullikai cāmarai
• {KALI 96-12} mattikai kaṇṇuṟai āka kaviṉ peṟṟa
• {KALI 96-13} utti oru kāḻ nūl uttariya tiṇ piṭi
• {KALI 96-14} nēr maṇi nēr mu kāḻ pal pala kaṇṭikai
• {KALI 96-15} tār maṇi pūṇṭa tamaṉiya mēkalai
• {KALI 96-16} nūpura puṭṭil aṭiyoṭu amaittu yātta
• {KALI 96-17} vār polam kiṇkiṇi ārppa iyaṟṟi nī
• {KALI 96-18} kātalittu ūrnta niṉ kāma kutiraiyai
• {KALI 96-19} āy cutai māṭattu aṇi nilā muṟṟattu uḷ
• {KALI 96-20} āti koḷīi acaiyiṉai ākuvai
• {KALI 96-21} vātuvaṉ vaḻiya nī
• {KALI 96-22} cēkā katir viri vaikalil kai vārūu koṇṭa
• {KALI 96-23} maturai peru muṟṟam pōla niṉ mey kaṇ
• {KALI 96-24} kutirai ō vīṟiyatu
• {KALI 96-25} kūr ukir māṇṭa kuḷampiṉatu naṉṟu ē
• {KALI 96-26} kōram ē vāḻi kutirai
• {KALI 96-27} vetir uḻakku nāḻiyāl cētikai kutti
• {KALI 96-28} kutirai uṭal aṇi pōla niṉ mey kaṇ
• {KALI 96-29} kutirai ō kavviyatu
• {KALI 96-30} cīttai payam iṉṟi īṅku kaṭittatu naṉṟu ē
• {KALI 96-31} viyamam ē vāḻi kutirai
• {KALI 96-32} mika naṉṟu iṉi aṟintēṉ iṉṟu nī ūrnta kutirai
• {KALI 96-33} peru maṇam paṇṇi aṟattiṉil koṇṭa
• {KALI 96-34} paruma kutirai ō aṉṟu peruma niṉ
• {KALI 96-35} ētil perum pāṇaṉ tūtu āṭa āṅku ē ōr
• {KALI 96-36} vātattāṉ vanta vaḷi kutirai āti
• {KALI 96-37} uru aḻikkum a kutirai ūral nī ūriṉ parattai
• {KALI 96-38} pari āka vātuvaṉ āy eṉṟum maṟṟu a cār
• {KALI 96-39} tiri kutirai ēṟiya cel